© 2023 American Society of Addiction Medicine. Tout dwa rezève. ASAM.org
6
Konsèy
• Konsèy se yon pati enpòtan nan yon tretman pou anpil pasyan
epi anjeneral yo rekòmande l avèk medikaman.
• Se yon klinisyen kalifye ki ta dwe bay konsèy la. Pasyan yo ka
resevwa konsèy nan menm espas kote yo resevwa medikaman
yo a oswa nan yon lòt espas.
• Konsèy la ede pasyan yo rezoud pwoblèm pèsonèl, pwoblèm
sosyal oswa lòt pwoblèm ki ka kontribye nan zafè adiksyon
yo a. Men kèk egzanp:
• Ogmante motivasyon pou tretman an ak gerizon an
• Sitiyasyon difisil nan travay oswa lakay
• Bati yon sistèm sipò ki gen moun ki ankouraje gerizon an
• Tout klinisyen ki enplike nan tretman pasyan an ta dwe travay
ansanm pou kowòdone swen yo.
• Anplis de konsèy yo, yo ankouraje pasyan yo pou yo rantre nan
gwoup sipò ki genyen lòt moun ki nan pwosesis gerizon yo.
• Yo pa limite konsèy ak gwoup sipò yo pou pasyan an. Epitou,
genyen anpil sèvis konsèy ak gwoup sipò pou fanmi ak
zanmi moun k ap fè fas ak adiksyon yo. Sonje byen, pwoblèm
adiksyon an afekte zanmi ak fanmi yo tou.
Sipò bò kote Fanmi ak Zanmi
• Fanmi ak zanmi yo ka jwe yon wòl enpòtan nan sipòte pwòch
yo rive geri yon fason ki dire lontan.
• Li enpòtan anpil pou pasyan yo evite moun, espas ak lòt bagay
ki deklannche dezi pou yo konsome alkòl oswa dwòg. Epitou,
yo bezwen aprann fason pou yo reyaji kont deklannchè sa yo
san yo pa konsome alkòl oswa dwòg. Zanmi ak fanmi ka bay
sipò ak ankourajman pandan tout pwosesis sa a.
