7
MEDIKAMAN POU TRETE ADIKSYON OPYOYID
Medikaman Non Mak yo
Biprenòfin
(Buprenorphine)
Sublocade® (Piki), Brixadi® (Piki),
jenerik (fim oswa konprime)
Biprenòfin
(buprenorphine) ak
nalokzòn (naloxone)
Bunavail®, Cassipa®, Suboxone®,
Zubsolv®, jenerik (fim oswa
konprime)
Metadòn (methadone) jenerik (likid oswa konprime pou
fonn nan dlo)
Naltrekzòn (naltrexone)
avèk liberasyon pwolonje
Vivitrol® (piki)
SEVRAJ
• Sevraj opyoyid la se yon pakèt sentòm douloure epi
dezagreyab ki rive apre yon moun fin sispann oswa diminye
sou konsomasyon opyoyid. Sevraj la ka dire plis pase 10 jou
men se pi souvan ant 3 a 5 jou.
• Malgre li ka lakoz yon seri sentòm ki twoublan anpil (tankou
vomisman, kranp ak swe), sevraj opyoyid la raman mete lavi
moun an danje.
• Yo prèske toujou rekòmande pou w itilize medikaman pou
kontwole sevraj la ( yo rele l tou jesyon sevraj) pase eseye
andire sevraj la san tretman an. Lè pasyan yo eseye sispann
konsome opyoyid san tretman, sa ka lakoz anvi yo vin pi fò epi
kontinye konsome l.
• Jesyon sevraj la poukont li se pa yon tretman pou adiksyon
opyoyid epi li ka ogmante risk pou moun nan chite ankò, fè yon
ovèdoz, epi mouri akoz yon ovèdoz.
• Lè w ap trete yon moun pou adiksyon opyoyid, yo rekòmande
anjeneral pou li pran medikaman (metadòn, biprenòfin oswa
naltrekzòn) ansanm ak konsèy epi lòt fòm sipò.
• Lofeksidin (lofexidine) ak klonidin (clonidine) san danje epi yo
efikas pou jere sevraj opyoyid, men metadòn (methadone) ak
biprenòfin (buprenorphine) pi efikas epi yo ka kontinye avèk yo
pou tretman adiksyon opyoyid.
• Yo pa rekòmande pou jere sevraj opyoyid la grasak mwayen
Dezentoksikasyon Opyoyid ki Rapid Anpil la (Ultra-Rapid
Opioid Detoxification, UROD) akoz gwo risk efè negatif
tankou lanmò.
