5
Plan Tretman
• Apre ou fin pale sou rezilta evalyasyon yo ak chwa tretman
an avèk klinisyen an, li lè kounye a pou devlope plan tretman
konplè a.
• Sa rive souvan pou ni pasyan an ak klinisyen an siyen yon akò
sou bagay yo dwe atann yo pandan tretman an. Sa ka
gen ladan:
• Objektif tretman an
• Medikaman: anjeneral metadòn (methadone), biprenòfin
(buprenorphine) oswa naltrekzòn (naltrexone) pou twoub
ki lye ak konsomasyon opyoyid
• Orè tretman an
• Plan sèvis konsèy
• Sèvis sipò pou gerizon
• Angajman pasyan an pran pou respekte tretman an
• Risk pou fè yon chit ankò epi lòt pwoblèm sekirite
Patisipasyon Pasyan An
• Angajman pasyan an nan tretman an ak nan pwosesis gerizon
an amelyore rezilta yo. Tretman yo ta dwe alontèm, paske
adiksyon an se yon maladi kwonik. Pou rezon sa a, li enpòtan
pou pasyan yo kolabore avèk klinisyen yo nan lide pou devlope
yon plan tretman ki adapte a bezwen yo epi objektif yo.
• Pasyan yo ta dwe atann pou yo trete yo avèk respè ak diyite epi
klinisyen yo dwe koute pwoblèm yo genyen yo lè yo kòmanse
oswa chanje plan tretman an.
• Pou evite pwoblèm sante yo, pasyan yo dwe enfòme klinisyen
yo konsènan nenpòt lòt medikaman yo ap pran oswa si yo ap
bwè alkòl. Sa a trè enpòtan — gen kèk medikaman ak alkòl ka
lakoz gwo pwoblèm avèk medikaman tretman yo.
• Men responsablite pasyan yo souvan genyen:
• Kenbe tout randevou yo
• Bay echantiyon pou tès dwòg yo regilyèman
• Pran medikaman yo jan yo preskri yo a
• Itilize sèlman medikaman yo preskri yo
• Pèmèt epi ankouraje patisipasyon fanmi ak zanmi k ap bay
sipò yo
• Evite moun, espas ak sitiyasyon ki ka mete yo nan risk pou
yo chite ankò.
