3
EVALYASYON
Chèche èd se premye etap enpòtan nan gerizon an. Pwochen etap
nan pwosesis la se rankontre yon klinisyen kalifye. Yon klinisyen se
yon pwofesyonèl sante tankou yon doktè, yon sikyat, yon sikològ,
yon travayè sosyal, oswa yon enfimyè. Pandan premye randevou
sa a, klinisyen an pral fè yon tès depistaj pou pasyan an pou wè si li
genyen yon twoub ki lye ak konsomasyon opyoyid epi li pral fè yon
evalyasyon. Objektif evalyasyon an se genyen yon konpreyansyon
apwofondi konsènan pasyan yo ak sou nivo gravite maladi yo a. Sa
pral ede klinisyen an ak pasyan an devlope yon plan tretman ki pi
byen koresponn ak bezwen pasyan an.
Pou Kòmanse
• Klinisyen an pral poze kesyon pou li ka konprann tout faktè
ki vin lakoz pasyan an adikte. Tank klinisyen an konnen plis
bagay, se tank l ap pi byen ka planifye yon tretman avèk pasyan
an. Gen chans pou li poze pasyan an kesyon sou:
• Aktyèl konsomasyon dwòg ak alkòl li
• Sentòm sevraj yo
• Antesedan pou konsomasyon dwòg ak alkòl
• Antesedan familyal pou adiksyon
• Pwoblèm sante mantal oswa sante fizik
• Sistèm sipò
• Disponiblite yon lojman ki an sekirite epi ki estab
• Motivasyon pou chanje
• Pwochen etap la se yon egzamen fizik konplè pou verifye eta
sante jeneral pasyan an. Sa gen ladann, jwenn lòt maladi moun
wè souvan (fizik oswa mantal) ki gen rapò ak adiksyon epi ki ka
afekte plan pou tretman an.
• Egzamen fizik la souvan gen ladann yon tès dwòg.
