© 2023 American Society of Addiction Medicine. Tout dwa rezève. ASAM.org
12
NALOKZÒN (NALOXONE)
Yo itilize nalokzòn lan (naloxone) pou trete yon ovèdoz
opyoyid (li efikas sèlman pou ovèdoz opyoyid yo). Li
disponib sou fòm yon espre pou nen epi sou fòm piki.
Lè w genyen nalokzòn (naloxone) ki disponib, sa ka ede
w sove yon moun ki te pran anpil opyoyid epi sa vin fè li
sispann respire oswa li gen difikilte pou l respire.
Si ou sispèk genyen yon ovèdoz, rele 911 imedyatman
epi bay moun nan nalokzòn lan (naloxone) san pèdi tan.
Moun nan ka bezwen plis pase yon dòz nalokzòn
(naloxone) pou envèse yon ovèdoz opyoyid ki pwisan,
tankou fentanil (fentanyl).
Ou ka bezwen bay moun nan nalokzòn lan (naloxone)
plizyè fwa paske efè li yo ka fini anvan efè opyoyid la.
Pou asire sekirite pasyan an, pasyan yo, manm fanmi
yo, pwòch yo, ak zanmi yo ta dwe kenbe nalokzòn lan
(naloxone) yon kote ki pre yo epi yo ta dwe resevwa
fòmasyon sou fason pou yo itilize l si ta genyen yon
ovèdoz.
Klinisyen an ta dwe bay pasyan an ak manm fanmi yo
nalokzòn lan (naloxone) oswa yon preskripsyon pou
nalokzòn (naloxone). Nan pifò eta yo, nalokzòn lan
(naloxone) disponib tou san preskripsyon nan
famasi yo.
Apre ovèdoz pasyan an, li enpòtan pou yo swa kòmanse
tretman pou adiksyon opyoyid la oswa travay avèk
klinisyen yo a pou adapte plan tretman yo a.
