11
Naltrekzòn (naltrexone)
• Naltrekzòn lan (naltrexone) anpeche opyoyid yo aji sou sèvo a.
Sa vle di pasyan an p ap vin pèdi kontwòl tèt li akoz l ap itilize
opyoyid yo, pandan l ap pran naltrekzòn lan (naltrexone).
Naltrekzòn lan (naltrexone) se yon bon opsyon pou anpeche
yon nouvo chit kay pasyan ki pa depandan ankò pou opyoyid.
• Pasyan yo pa ka genyen okenn opyoyid nan kò yo lè yo
kòmanse pran naltrekzòn (naltrexone). Si yo fè sa, l ap lakoz
yon grav sevraj byen rapid. Anvan yon klinisyen kòmanse
mete yon pasyan ki soufri yon adiksyon opyoyid ki aktif sou
naltrekzòn (naltrexone), pasyan an dwe sibi yon sevraj sou
sipèvizyon klinisyen an. Peryòd sa a ka dire soti 6 a 10 jou.
• Yo bay naltrekzòn lan (naltrexone) sou yon fòm a liberasyon
pwolonje yo piki nan dèyè moun nan. Klinisyen an bay piki a
nan biwo a, yon fwa chak 3–4 semèn.
• Epitou, naltrekzòn lan (naltrexone) disponib sou fòm yon
konprime, men yo PA rekòmande fòm sa a, sof nan sikonstans
ki trè limite.
• Anpil pasyan dwe kontinye pran naltrekzòn lan (naltrexone)
pandan yon peryòd tan pwolonje. Akoz naltrekzòn lan
(naltrexone) pa pwodui depandans fizik, yo ka sispann li
sibitman san sentòm sevraj yo. Sepandan, lè pasyans an
sispann pran naltrekzòn lan (naltrexone) sa ka lakoz pasyan an
riske fè yon nouvo chit ak yon ovèdoz. Yo ta dwe sèlman fè sa
anba sipèvizyon klinisyen an ak anpil atansyon.
