© 2023 American Society of Addiction Medicine. Nakalaan ang lahat ng karapatan. ASAM.org
16
PAGTATASA NG AT PAGGAMOT NG SAKIT SA
PAGGAMIT NG OPIOID SA MGA BABAENG BUNTIS
Maaaring magdulot ng malaking panganib sa mga babaeng buntis ang hindi
ginagamot na sakit sa paggamit ng opioid. Maaari itong humantong sa mga
komplikasyon sa pagbubuntis pati na rin sa pagkalaglag ng sanggol, maagang
panganganak, hindi paglaki ng fetus, at pagkamatay ng fetus.
• Dapat simulan nang maaga sa pagbubuntis hangga't maaari ang
paggamot sa sakit sa paggamit ng opioid.
» Dapat matingnan ang pasyente ng clinician na may karanasan sa
pangangalaga ng buntis pati na rin ng clinician na may karanasan
sa paggamot sa pagkalulong. Gayunpaman, kung hindi available
ang espesyalista, dapat pa ring humingi ang mga babaeng buntis
ng pangangalaga bago manganak at talakayin nila ang kanilang
pangangailangan para sa paggamot sa sakit sa paggamit ng opioid.
• Dapat magsagawa ang clinician ng medikal na pagtatasa para matukoy
ang anumang agarang medikal na isyu na kailangang tugunan.
» Maaaring kasama sa medikal na eksaminasyon ang mga pagsusuri
sa laboratoryo, pisikal na eksaminasyon, ultrasound, at mga tanong
tungkol sa kalusugan ng pag-iisip ng pasyente at indibidwal na
pangangailangan.
• Ang pinakamahalagang bagay na maaaring gawin ng babaeng buntis
na may sakit sa paggamit ng opioid ay ang kumuha ng regular na
pangangalaga bago manganak at paggamot sa pagkalulong.
• Maaaring mapanganib ang pag-withdraw sa panahon ng pagbubuntis.
Dapat makipagtulungan ang mga pasyente sa kanilang clinician para
mapamahalaan ang pag-withdraw kung ihihinto o babawasan nila ang
kanilang paggamit ng opioid (kabilang ang inireresetang paggamit ng
opioid).
• Dapat makipag-usap ang clinician sa pasyente tungkol sa mga
panganib at benepisyo ng iba't ibang opsyon sa paggamot. Dapat
silang gumawa ng desisyon nang magkasama batay sa kung ano ang
pinakamainam para sa pasyente.
• Ang methadone at buprenorphine ang pinakamahuhusay na paggamot
na available para sa mga babaeng buntis na may sakit sa paggamit
ng opioid. Maaaring irekomenda ng clinician na maospital ang
pasyente kapag sinimulan na ang gamot, lalo na sa ikatlong trimester.
Gayunpaman, para sa karamihan ng mga pasyente, maaaring ligtas na
simulan ang mga gamot na ito sa pang-outpatient na setting.
