© 2023 American Society of Addiction Medicine. Tout dwa rezève. ASAM.org
18
Bagay Ou Dwe Fè ak Bagay Ou Pa Dwe Fè pou Reyaji
fas ak yon Ovèdoz Opyoyid
• OU DWE Rele pou Jwenn Èd (Konpoze 911)
• OU DWE sipòte respirasyon moun nan, ba li oksijèn oswa
pote li sekou avèk teknik respirasyon atifisyèl la.
• OU DWE ba li nalokzòn (naloxone) ( yon medikaman ki
envèse efè opyoyid la) sou fòm yon piki oswa yon espre
pou nen.
• TOUT ZANMI/FANMI YO TA DWE GENYEN
NALOKZÒN (NALOXONE) EPI KONNEN FASON
POU YO ITILIZE LI.
• OU DWE mete moun nan sou kan si l ap respire poukont li.
• OU DWE rete avèk moun nan epi kenbe li cho.
• OU PA DWE souflete moun nan oswa ou pa dwe eseye
ankouraje moun nan pa lafòs—sa ap sèlman lakoz plis chòk.
Si malgre w ap rele fò, fwote dwèt ou sou estènòm li (mitan
pwatrin lan oswa kaj torasik la), oswa fè yon ti zongle l, sa pa
reveye moun nan, gendwa se paske li pèdi konesans.
• OU PA DWE benyen moun lan ak dlo frèt. Sa ogmante risk
pou moun nan tonbe, nwaye oswa fè yon chòk.
• OU PA DWE bay moun nan okenn sibstans sou fòm piki (dlo
sale, lèt, "speed" (anfetamin), ewoyin, elatriye). Sèl tretman ki
bon epi ki apwopriye se nalokzòn (naloxone).
• OU PA DWE eseye fè moun nan vomi medikaman li gendwa
te vale yo. Etoufman oswa lè moun nan vale vomi ki al nan
poumon l yo, sa kapab lakoz li mouri.
OVÈDOZ
YON OVÈDOZ OPYOYID BEZWEN
SWEN MEDIKAL IMEDYAT
