15
Doulè
• Yo ka trete epi yo ta dwe ka trete doulè a kay pasyan ki soufri
adiksyon opyoyid la yon fason efikas.
• Pou moun ki pa nan tretman kounye a, metadòn (methadone)
oswa biprenòfin (buprenorphine) ka efikas pou trete ni
adiksyon opyoyid ni doulè a.
• Klinisyen an ka ogmante tanporèman dòz metadòn
(methadone) oswa biprenòfin (buprenorphine) pasyan an,
oswa ogmante kantite fwa pou l pran dòz la, pou jere doulè a
yon fason ki efikas.
• Epitou, klinisyen an ka preskri lòt medikaman pou soulaje
doulè oswa lòt tretman (tankou yon terapi fizik).
• Yo pa bezwen sispann metadòn (methadone) oswa biprenòfin
lan (buprenorphine) anvan yon operasyon.
• Si yo sispann metadòn (methadone) oswa biprenòfin lan
(buprenorphine) akoz tretman pou doulè a, yo ta dwe
rekòmanse l pi vit posib.
• Naltrekzòn lan (naltrexone) bloke aksyon medikaman opyoyid
yo fè kont doulè a. Lè sa nesesè, yo souvan ka simonte efè
blokaj sa a. Nan ka sa yo, yo ta dwe byen kontwole pasyan yo
nan yon depatman ijans oswa yon anviwònman lopital.
• Li enpòtan pou pasyan yo pale avèk klinisyen yo a konsènan
adiksyon opyoyid yo a epi travay ansanm pou devlope yon plan
jesyon doulè ki abòde pwoblèm doulè a epi redwi risk pou yo fè
yon lòt chit.
