© 2023 American Society of Addiction Medicine. Tout dwa rezève. ASAM.org
10
Metadòn (methadone)
• Epitou, metadòn lan (methadone) aji sou menm pati sèvo
medikaman opyoyid oswa dwòg yo aji a epi li ede estabilize
yo nan lide pou diminye dezi pou konsome opyoyid epi pou
anpeche sentòm sevraj.
• Metadòn (methadone) ka kòmanse san danje anvan pasyan an
kòmanse santi sentòm sevraj yo.
• Klinisyen an pral travay an kolaborasyon avèk pasyan an pou
jwenn bon dòz ki diminye anvi yo, san li pa fè pasyan an santi li
anvi dòmi oswa kalm.
• Metadòn lan (methadone) vini sou fòm yon likid, oswa sou
fòm yon poud oswa tablèt yo fonn nan yon likid anvan yo pran
li. Jeneralman, yo pran li yon fwa pa jou (sa ka diferan pou
pasyan ki ansent yo oswa pasyan yo ap trete pou doulè yo).
• Se sèlman Pwogram espesyalize pou Tretman Opyoyid yo
otorize pou trete pasyan yo avèk metadòn (methadone).
• Nan kòmansman tretman an, anjeneral pasyan yo dwe ale nan
klinik la chak jou pou pran dòz chak jou yo a.
• Yo ka bay moun ki nan pwosesis gerizon ki estab yo yon seri
medikaman pou yo ka pran etan lakay yo.
• Yo dwe siveye jan moun nan ap pran metadòn lan paske lè yo
pa siveye jan li pran li an, sa ka lakoz yon move itilizasyon epi
yon divèsyon.
• Anpil pasyan dwe kontinye pran metadòn lan (methadone)
pandan yon peryòd tan pwolonje. Lè pasyans an sispann
pran metadòn lan (methadone), sa ka lakoz pasyan an riske fè
yon nouvo chit ak yon ovèdoz. Yo ta dwe sèlman fè sa byen
dousman, sou siveyans atantif klinisyen an.
• Yo te montre tretman avèk metadòn lan (methadone) diminye
risk pou pasyan an mouri akoz yon ovèdoz opyoyid.
